മെട്രോ സിറ്റിയായ ഈ ദുബായ്‌ നഗരത്തിന്‌ ഇന്ന്‌ താരത്തിളക്കമേറെയാൺ‍്‌. എത്രയെത്ര സിനിമാ ഷൂട്ടിങ്ങുകൾ, എത്രയോ സിനിമാ നടന്മാർ, നടിമാർ.. അതിൽ ഈ നഗരത്തെ ഏറെ ഇഷ്ടപ്പെടുന്ന മലയാളത്തിന്റെ മഹാനടൻ ലെഫ്‌: കേണൽ മോഹൻലാലും. മഞ്ഞിൽ വിരിഞ്ഞ പൂക്കൾ മലയാളിക്ക്‌ നൽകിയ വരദാനം! സർവ്വകലാശാല എന്ന സിനിമയിൽ സഹപാഠികൾ സ്നേഹത്തോടെ വിളിച്ചു “ലാലേട്ടൻ”. മലയാളി കൾ ആ വിളിപ്പേര്‌ നെഞ്ചോട്‌ ചേർത്ത്‌ ഏറ്റെടുത്തു. പിച്ച വച്ച്‌ സംസാരിച്ചു തുടങ്ങുന്ന കുഞ്ഞുങ്ങൾ മുതൽ എല്ലാവരും സ്നേഹപൂർവം ഇന്നും അത്‌ തുടരുന്നു. അതെ മലയാളികളുടെ സ്വന്തം ലാലേട്ടൻ!
എൺപതുകളിലെത്തിയ സിനിമകളിൽ ഇന്നും മനസ്സിൽ തങ്ങി നിൽക്കുന്ന കഥാപാത്രങ്ങളാൺ‍്‌ ടി.പി ബാലഗോപാലനും, നിന്നിഷ്ടം എന്നിഷ്ടത്തിലെ ശ്രീകുമാറും, വിജയ ദാസന്മാരും, പഞ്ചാഗ്നിയിലെ റഷീദും, രാജാവിന്റെ മകനിലെ വിൻസന്റ്‌ ഗോമസും, ബോയിംഗ്‌ ബോയിംഗിലെ ശ്യാമും, കിരീടത്തിലെ സേതുമാധവനുമൊക്കെ. തൊണ്ണൂറുകളിലാവട്ടെ ടോണി കുരിശിങ്കലും, സണ്ണിയും, ജോജിയും, മംഗലശ്ശേരി നീലകണ്ഠനു മൊക്കെ കുടുംബ സദസ്സുകളിൽ പോലും മലയാളിക്ക്‌ ചിരി യ്ക്കാനും ചിന്തിയ്ക്കാനുമുള്ള വക സമ്മാനിക്കുന്നവയായി. അവിടെ നിന്നും നാഗവല്ലിയെ തളയ്ക്കാനെത്തിയ മനോരോഗ വിദഗ്ദ്ധൻ, മലയാളക്കരയുടെ ആറാം തമ്പുരാൻ, തുടർച്ചയായി മൂന്നു സിനിമകളിൽ മേജർ മഹാദേവൻ, ഇന്നിപ്പോൾ വിദേശ സുന്ദരിമാരുടെ കാസനോവയും. വെള്ളിത്തിരയുടെ അഭ്രപാളി കളിൽ നീണ്ട മുപ്പത്തിമൂന്ന്‌ വർഷങ്ങൾ പിന്നിടുമ്പോഴും താരജാഡയില്ലാത്ത വ്യക്തിത്വവും നിഷ്കളങ്കതയുമാണ്‌ മോഹൻലാൽ എന്ന നടനെ അമൂല്യമാക്കുന്നത്‍്‌.
ഇവിടെയിപ്പോൾ സമയം നാല്‌ കഴിഞ്ഞിരിക്കുന്നു. കോളിങ്ങ്‌ ബെല്ലിൽ വിരലമർത്തി വെയ്റ്റ്‌ ചെയ്യുമ്പോൾ യോദ്ധയിലെ അശോകനെയാൺ‍്‌ ഓർമ്മ വന്നത്‌. നേപ്പാളി അമ്മാവനെ കാണുമ്പോൾ സ്നേഹം പ്രകടിപ്പിക്കേണ്ട രീതി റിഹേഴ്സൽ ചെയ്യുന്ന തൈപ്പറമ്പിൽ അശോകനെ! ഡോർ തുറന്നത്‌ ലാലേട്ടൻ. ആ മാസ്റ്റർ പീസ്‌ ചിരിയോടോപ്പം ഞങ്ങൾക്ക്‌ അകത്തേക്കുള്ള ക്ഷണവും. പരിചയപ്പെടലിനും കുശലാന്വേഷണ ങ്ങൾക്കുമിടയിൽ ഒരു നിമിഷം ഞാൻ ഏതൊക്കെയോ കഥാപാത്രങ്ങൾക്കു പിന്നാലെ ചെറുതായൊന്നു ചുറ്റിത്തിരിഞ്ഞു. പല സിനിമകൾ.. അതിൽ പല വേഷപ്പകർച്ചകൾ.. ചില സിനിമകളിൽ വണ്ണം കുറഞ്ഞ്‌ സുന്ദരനായ ചെറുപ്പക്കാരൻ നായകൻ, മറ്റു ചിലതിൽ ഇതെന്താ ലാലേട്ടന്‌ ശരീര സൗന്ദര്യത്തിലൊന്നും തീരെ താൽപ്പര്യമില്ലേ എന്ന്‌ സ്വയം ചോദിച്ചു പോകുന്ന തരം കഥാപാത്രങ്ങൾ. ഇത്തിരി ഫാറ്റി ഫിഗറുള്ള മോഹൻലാലിനെയും പ്രതീക്ഷിച്ചാണ്‌ ഞങ്ങൾ അഭിമുഖത്തിനായി ചെന്നത്‌. എന്നാൽ ലാലേട്ടനാകട്ടെ ഞങ്ങളെ ഞെട്ടിക്കുന്ന രീതിയിൽ മെലിഞ്ഞിരിക്കുന്നു. ഫിറ്റ്നസ്സിലൊന്നും താൽപ്പര്യമില്ലേ എന്ന ചോദ്യം റെഡിയാക്കിയതും കയ്യിലിരി ക്കുന്നു. തൽക്കാലം അത്‌ ചവിറ്റുകുട്ടയിലേക്കിട്ട്‌ ആങ്ങ്സൈറ്റി മൂലം ഞാൻ ചോദിച്ചു ‘ലാലേട്ടാ..എന്താണിതിന്റെ രഹസ്യം? എങ്ങനെയാണ്‌ ഇത്ര പെട്ടെന്ന്‌ വണ്ണം കുറയ്ക്കുന്നത്‌’? “അത്‌ രഹസ്യമല്ലേ.. എങ്ങനെ പറഞ്ഞു തരും”? “ഒന്നു പറയാം, വേണമെങ്കിൽ ഒരു മാസം കൊണ്ട്‌ ഇനിയും കുറച്ചു തരാം”. ലാലേട്ടന്റെ നർമം കലർന്ന മറുപടി.
ലൈവ്‌ സറ്റൈലിന്റെ ഫോട്ടോ സെഷനായിരുന്നു ആദ്യം. പത്ത്‌ മിനിട്ട്‌ സമയം റെഡിയാകാൻ. ക്യാമറയ്ക്കു മുന്നിൽ ഫോട്ടോയ്ക്കു വേണ്ടി പോസു ചെയ്യുമ്പോൾ പല ഭാവങ്ങളും ആ മുഖത്ത്‌ മിന്നി മറയുന്നുണ്ടായിരുന്നു. ഓരോ പോസിലും ഓരോ പുതിയ കഥാപാത്രങ്ങൾ ജനിക്കുന്ന പോലെ. ഫോട്ടോ സെഷനും പൂർത്തിയാക്കി ലാലേട്ടൻ പറഞ്ഞു തുടങ്ങി...എൺപതുകളിലെത്തിയ സിനിമകളിൽ ഇന്നും മനസ്സിൽ തങ്ങി നിൽക്കുന്ന കഥാപാത്രങ്ങളാൺ‍്‌ ടി.പി ബാലഗോപാലനും, നിന്നിഷ്ടം എന്നിഷ്ടത്തിലെ ശ്രീകുമാറും, വിജയ ദാസന്മാരും, പഞ്ചാഗ്നിയിലെ റഷീദും, രാജാവിന്റെ മകനിലെ വിൻസന്റ്‌ ഗോമസും, ബോയിംഗ്‌ ബോയിംഗിലെ ശ്യാമും, കിരീടത്തിലെ സേതുമാധവനുമൊക്കെ. തൊണ്ണൂറുകളിലാവട്ടെ ടോണി കുരിശിങ്കലും, സണ്ണിയും, ജോജിയും, മംഗലശ്ശേരി നീലകണ്ഠനു മൊക്കെ കുടുംബ സദസ്സുകളിൽ പോലും മലയാളിക്ക്‌ ചിരി യ്ക്കാനും ചിന്തിയ്ക്കാനുമുള്ള വക സമ്മാനിക്കുന്നവയായി. അവിടെ നിന്നും നാഗവല്ലിയെ തളയ്ക്കാനെത്തിയ മനോരോഗ വിദഗ്ദ്ധൻ, മലയാളക്കരയുടെ ആറാം തമ്പുരാൻ, തുടർച്ചയായി മൂന്നു സിനിമകളിൽ മേജർ മഹാദേവൻ, ഇന്നിപ്പോൾ വിദേശ സുന്ദരിമാരുടെ കാസനോവയും. വെള്ളിത്തിരയുടെ അഭ്രപാളി കളിൽ നീണ്ട മുപ്പത്തിമൂന്ന്‌ വർഷങ്ങൾ പിന്നിടുമ്പോഴും താരജാഡയില്ലാത്ത വ്യക്തിത്വവും നിഷ്കളങ്കതയുമാണ്‌ മോഹൻലാൽ എന്ന നടനെ അമൂല്യമാക്കുന്നത്‍്‌.
ഇവിടെയിപ്പോൾ സമയം നാല്‌ കഴിഞ്ഞിരിക്കുന്നു. കോളിങ്ങ്‌ ബെല്ലിൽ വിരലമർത്തി വെയ്റ്റ്‌ ചെയ്യുമ്പോൾ യോദ്ധയിലെ അശോകനെയാൺ‍്‌ ഓർമ്മ വന്നത്‌. നേപ്പാളി അമ്മാവനെ കാണുമ്പോൾ സ്നേഹം പ്രകടിപ്പിക്കേണ്ട രീതി റിഹേഴ്സൽ ചെയ്യുന്ന തൈപ്പറമ്പിൽ അശോകനെ! ഡോർ തുറന്നത്‌ ലാലേട്ടൻ. ആ മാസ്റ്റർ പീസ്‌ ചിരിയോടോപ്പം ഞങ്ങൾക്ക്‌ അകത്തേക്കുള്ള ക്ഷണവും. പരിചയപ്പെടലിനും കുശലാന്വേഷണ ങ്ങൾക്കുമിടയിൽ ഒരു നിമിഷം ഞാൻ ഏതൊക്കെയോ കഥാപാത്രങ്ങൾക്കു പിന്നാലെ ചെറുതായൊന്നു ചുറ്റിത്തിരിഞ്ഞു. പല സിനിമകൾ.. അതിൽ പല വേഷപ്പകർച്ചകൾ.. ചില സിനിമകളിൽ വണ്ണം കുറഞ്ഞ്‌ സുന്ദരനായ ചെറുപ്പക്കാരൻ നായകൻ, മറ്റു ചിലതിൽ ഇതെന്താ ലാലേട്ടന്‌ ശരീര സൗന്ദര്യത്തിലൊന്നും തീരെ താൽപ്പര്യമില്ലേ എന്ന്‌ സ്വയം ചോദിച്ചു പോകുന്ന തരം കഥാപാത്രങ്ങൾ. ഇത്തിരി ഫാറ്റി ഫിഗറുള്ള മോഹൻലാലിനെയും പ്രതീക്ഷിച്ചാണ്‌ ഞങ്ങൾ അഭിമുഖത്തിനായി ചെന്നത്‌. എന്നാൽ ലാലേട്ടനാകട്ടെ ഞങ്ങളെ ഞെട്ടിക്കുന്ന രീതിയിൽ മെലിഞ്ഞിരിക്കുന്നു. ഫിറ്റ്നസ്സിലൊന്നും താൽപ്പര്യമില്ലേ എന്ന ചോദ്യം റെഡിയാക്കിയതും കയ്യിലിരി ക്കുന്നു. തൽക്കാലം അത്‌ ചവിറ്റുകുട്ടയിലേക്കിട്ട്‌ ആങ്ങ്സൈറ്റി മൂലം ഞാൻ ചോദിച്ചു ‘ലാലേട്ടാ..എന്താണിതിന്റെ രഹസ്യം? എങ്ങനെയാണ്‌ ഇത്ര പെട്ടെന്ന്‌ വണ്ണം കുറയ്ക്കുന്നത്‌’? “അത്‌ രഹസ്യമല്ലേ.. എങ്ങനെ പറഞ്ഞു തരും”? “ഒന്നു പറയാം, വേണമെങ്കിൽ ഒരു മാസം കൊണ്ട്‌ ഇനിയും കുറച്ചു തരാം”. ലാലേട്ടന്റെ നർമം കലർന്ന മറുപടി.
പലരും ന്യൂ ഇയർ റെസലൂഷൻ പ്ളാൻ ചെയ്യാറുണ്ടല്ലോ... എങ്ങനെയാണ്‌ ലാലേട്ടന്‌ ഈ പുതുവർഷം?
ന്യൂ ഇയർ റെസലൂഷൻ എന്ന്‌ പറയുന്നത്‌ നമ്മൾ തന്നെ ഉണ്ടാക്കുന്ന കാര്യങ്ങളാണ്‌. നമുക്ക്‌ എല്ലാ ദിവസവും ന്യൂ ഇയർ പോലെയാണ്‌. ഓരോ ദിവസവും ഓരോ കാര്യങ്ങളുണ്ടാവും. പ്രത്യേകിച്ച്‌ നാളെ മുതൽ ഇതു ചെയ്യുമെന്നോ ഇന്നത്‌ ചെയ്യില്ലെന്നോ ഒന്നും തീരുമാനിച്ചിട്ടില്ല. അങ്ങനെ തീരുമാനിക്കാൻ പറ്റില്ല എന്നുള്ളതാണ്‌. അല്ലേ? എന്താണ്‌ എന്റെ ന്യൂ ഇയർ റെസലൂഷൻ എന്ന്‌ പറഞ്ഞാൽ യാതൊരു റസലൂഷനും എടുക്കാതിരിക്കുക എന്നതാണ്‌ എന്റെ റെസലൂഷൻ. ഈ പുതുവർഷത്തിൽ എല്ലാവരോടും പറയാനുള്ളതും അതു തന്നെയാണ്‌. പ്രത്യേകിച്ച്‌ റസലൂഷനൊന്നും എടുക്കാതെ നന്നായി സെലിബ്രേറ്റ്‌ ചെയ്ത്‌ ഹാപ്പിയായി ജീവിക്കുക.
വ്യത്യസ്തങ്ങളായ കുറേ സിനിമകൾ വരുന്ന വർഷം കൂടിയാണല്ലോ 2011?
കാസനോവ, ചൈന ടൗൺ, തേസ്‌, ക്രിസ്ത്യൻ ബ്രദേഴ്സ്‌ ഇതൊക്കെയാണ്‌ പുതുവർഷ സിനിമകൾ. ചൈന ടൗണിന്റെ ഷൂട്ടിങ്ങ്‌ ഡിസംബർ-15നു തുടങ്ങി. റാഫി മെക്കാർട്ടിന്റെ ഹ്യൂമർ ബേസ്‌ ചെയ്തിട്ടുള്ള ഫിലിമാണത്‌. ഒരുപാടു നാളുകൾക്ക്‌ ശേഷം ഞാനും, ജയറാമും, ദിലീപും ചേർന്നുള്ള ഒരു വലിയ ഫൺ ഫിലിമാണത്‌. പ്രിയദർശന്റെ ‘തേസ്‌’ എന്ന ഹിന്ദി ഫിലിമിന്റെ ഷൂട്ടിങ്ങിനു വേണ്ടി യു.കെ യിൽ പോയിരുന്നു.ഞാൻ അതിൽ ഒരു ബ്രിട്ടീഷ്‌ പോലീസ്‌ ഓഫീസറാണ്‌. അതിൽ മുഴുവൻ ഫോറിനേഴ്സിന്റെ കൂടെയായിരുന്നു വർക്ക്‌ ചെയ്തത്‌. അവരുടേ വേ ഓഫ്‌ വർക്കും നമ്മുടേ വേ ഓഫ്‌ വർക്കും വേറേയാണ്‌. അവർ ഒരുപാട്‌ ഡിസിപ്ളീൻഡാണ്‌. നമുക്ക്‌ അത്രയൊന്നും ആവശ്യമില്ലെന്ന്‌ തോന്നും. മാത്രമല്ല, അവർ സ്റ്റോറി ബോർഡിലൊക്കെ വളരെ സ്ട്രിക്റ്റായിരിക്കും. ഇന്ത്യയിൽ ആക്ഷൻ സിനിമകൾക്ക്‌ മാത്രമാവും സ്റ്റോറി ബോർഡൊക്കെ ചെയ്യുന്നത്‌. പ്രിയദർശനുമായി ഒരു മലയാളം ഫിലിം ചെയ്യാനുള്ള പ്ളാനിലാണ്‌. ഈ വർഷം ആ സിനിമയുണ്ടാകും. അതിന്റെ കഥയൊന്നും ഇതുവരെ ആയിട്ടില്ല.
കാസനോവയുടെ വിശേഷങ്ങൾ?
മലയാളത്തിലെ വളരെ എക്സ്പെൻസീവായിട്ടുള്ള ഒരു ഫിലി മായിരിക്കും കാസനോവ. കാസനോവയുടെ പകുതി വർക്കുകൾ ഇവിടെ പൂർത്തിയായിട്ടുണ്ട്‌. ഇനിയുള്ളത്‌ ആക്ഷൻ സീനുക ളാണ്‌. അതിനു വേണ്ടി ഷൂട്ടിങ്ങ്‌ ബാങ്കോക്കിലേക്ക്‌ ഷിഫ്റ്റ്‌ ചെയ്യും. കെട്ടിടങ്ങളിൽ നിന്നും, ഹെലികോപ്റ്ററിൽ നിന്നുമൊക്കെ ചാടുന്നതും, മോട്ടോർ ബൈക്ക്‌ ചെയ്സിങ്ങും തുടങ്ങി കുറേ ആക്ഷൻ സീനുകൾ കാസനോവയിലുണ്ട്‌. ഇതിന്റെ ഷൂട്ടിങ്ങ്‌ സേഫ്റ്റിയ്ക്കു വേണ്ടി ഒട്ടനവധി സാധങ്ങൾ ഇവിടേക്ക്‌ കൊണ്ടു വരണമായിരുന്നു. അതിനു കഴിയാത്തതിനാൽ ബാക്കി ഷൂട്ടിങ്ങ്‌ ബാങ്കോക്കിലാവും ചെയ്യുക. ബാങ്കോക്ക്‌ എന്നു പറയുന്നത്‌ ആക്ഷൻ സിനിമകളുടെ ഒരു പറുദീസയാണ്‌. ആദ്യം ഒരു ഫോറി നർ ആയിരുന്നു ഇതിന്റെ ആക്ഷൻ മാസ്റ്റർ. പിന്നീട്‌ ‘അലൻ അമൻ’ എന്ന ഇന്ത്യയിലെ തന്നെ ഒരു വലിയ ആക്ഷൻ മാസ്റ്ററിനെ ഇതിനു വേണ്ടി തിരഞ്ഞെടുത്തു. ‘ധൂം’ സിനിമയുടെ ആക്ഷൻ ചെയ്തതും അദ്ദേഹമായിരുന്നു.
കാണ്ഡഹാറിൽ അമിതാഭ്‌ ബച്ചനുമായുള്ള എക്സ്പീരിയൻസ്‌?
കാണ്ഡഹാറിന്റെ ഏറ്റവും വലിയ വിശേഷം അമിതാഭ്‌ ബച്ചൻ തന്നെയാണ്‌. ‘ആഗ്‌’, ‘കമ്പനി’ എന്നീ സിനിമകളിലും അദ്ദേഹ ത്തോടൊപ്പം ഞാൻ അഭിനയിച്ചിട്ടുണ്ട്‌. ഒരുപാട്‌ ഭാഗ്യം ചെയ്ത ആളാണ്‌ ഞാൻ. പ്രേം നസീർ, ശിവാജി ഗണേശൻ, നാഗേശ്വർ റാവു, അമിതാഭ്‌ ബച്ചൻ, രാജ്‌ കുമാർ തുടങ്ങിയവരുമായിട്ടൊക്കെ സിനിമ ചെയ്യാൻ എനിക്ക്‌ കഴിഞ്ഞു. വേറേ ഏതെങ്കിലും ഒരു നടന്‌ ഇത്രയും വലിയ ഭാഗ്യം കിട്ടിയിട്ടുണ്ടോ എന്നറിയില്ല. ഇതിൽ തന്നെ രാജ്‌ കുമാറുമായി വളരെ നല്ല ബന്ധമുണ്ടായി രുന്നു. ഇവരുമായിട്ടൊക്കെ അഭിനയിക്കുമ്പോൾ ഒരുപാട്‌ കാര്യങ്ങൾ നാം അവരിൽ നിന്നും പഠിക്കുകയാണ്‌. അമിതാഭ്‌ ബച്ചൻ എന്ന്‌ പറയുന്ന നടൻ പ്രൊഫഷനെ അത്രയധികം സ്നേഹിക്കുകയും റോളിനു വേണ്ടി വളരെയധികം കഷ്ടപ്പെടു കയും ചെയ്യുന്ന ഒരാളാണ്‌. അതുകൊണ്ട്‌ തന്നെയാണ്‌ അദ്ദേഹം ഇന്നും ഇങ്ങനെയിരിക്കുന്നത്‌.
നടനായ മോഹൻലാലിനു ലെഫ്‌: കേണൽ പദവി കിട്ടിയതിനുശേഷം അഭിനയ ജീവിതത്തിൽ എന്തെങ്കിലും മാറ്റം വന്നിട്ടുണ്ടോ?അത്യപൂർവ്വമായി മാത്രം സംഭവിക്കാവുന്ന ഒരു കാര്യമാണ്‌ എനിയ്ക്ക്‌ കിട്ടിയ പദവി. അങ്ങനെ സംഭവിക്കുന്നതിന്റെ ഒരു ത്രിൽ ഉണ്ടല്ലോ അത്‌ വളരെ വലുതാണ്‌. നമ്മുടെ രാജ്യത്തോട്‌ തീർച്ചയായും നമുക്ക്‌ സ്നേഹമുണ്ട്‌. അത്തരം സിനിമകളും ഒരുപാട്‌ ചെയ്തിട്ടുണ്ട്‌. ആർമി അല്ലെങ്കിൽ പട്ടാളക്കാരൻ എന്താ ണെന്ന്‌ ആരെയും പറഞ്ഞ്‌ മനസ്സിലാക്കാൻ കഴിയില്ല. കാഷ്മീ രിലോ അല്ലെങ്കിൽ കാർഗിലോ പോലെയുള്ള സ്ഥലങ്ങളിൽ പോയി നിൽക്കുമ്പോൾ മാത്രമേ ആർമിയോട്‌ നമുക്ക്‌ സ്നേഹം തോന്നൂ. എന്റെ പ്രൊഫഷൻ സിനിമയാണ്‌. അതിന്‌ കിട്ടിയ ഒരു ഓണററി റാങ്കാണ്‌ ഈ പദവി. അതിനെ ഏറ്റവും മനോഹരമായി എങ്ങനെ കൊണ്ടുപോകാം എന്നുള്ളത്‌ സിനിമകളിൽ കൂടിയേ എനിയ്ക്ക്‌ വീണ്ടും കാണിക്കാൻ പറ്റൂ. അത്തരം ആർമി സിനിമകൾ എടുത്തിട്ട്‌ കൂടുതൽ ആൾക്കാരിൽ ആർമിയിൽ ചേരാൻ താൽപ്പര്യം ഉണ്ടാക്കണം. ഇങ്ങനൊരു പദവി കിട്ടിയതിനു ശേഷം അത്തരം സിനിമകൾ കൂടുതലായി ചെയ്യാനുള്ള താൽപ്പര്യവുമുണ്ട്‌.
വില്ലനായി വന്ന്‌ സൂപ്പർ സ്റ്റാറുകളായവരാണ്‌ രജനീകാന്തും ലാലേട്ടനും. രജനീകാന്ത്‌ അടുത്ത കാലത്തായി ആത്മീയ കാര്യങ്ങളിൽ മുഴുകുകയാണ്‌. ലാലേട്ടനും ആത്മീയ പാതയിലാണോ?
എല്ലാവർക്കും അത്തരം കാര്യങ്ങളൊക്കെ ഉണ്ടല്ലോ. കൂടുതൽ പുസ്തകങ്ങളൊക്കെ വായിക്കുമ്പോൾ അല്ലെങ്കിൽ അത്തരം
ആളുകളുമായി സംസാരിക്കുമ്പോൾ അതിനോടൊക്കെ ഒരു പ്രത്യേക താൽപ്പര്യം തോന്നും. എനിയ്ക്ക്‌ അത്തരം പുസ്തക ങ്ങളോടും യാത്രകളോടും പണ്ടേ ഒരു താൽപ്പര്യമുണ്ട്‌. നമ്മുടെ സിസ്റ്റം അനുസരിച്ച്‌ ജീവിതത്തിന്റെ ഒരു ഘട്ടത്തിൽ അങ്ങനെ വേണമെന്നാണല്ലോ.രജനീകാന്ത്‌ ഒരു സിനിമ ചെയ്തു കഴിയുമ്പോൾ ഒരു യാത്ര പോകുകയാണ്‌. അത്തരം സ്ഥലങ്ങളിൽ പോകാനും വളരെയധികം ആളുകളെ കാണാനും എനിയ്ക്കും താൽപ്പര്യ മുണ്ട്‌. ഇതിനെ ആത്മീയത എന്നു വിളിക്കണ്ട. അതൊരു എക്സ്പീരിയൻസ്‌ ആണ്‌. അല്ലെങ്കിൽ ഒരു ഫീൽ. ഒരു പുസ്തകം വായിക്കുമ്പോഴോ, അമ്പലത്തിൽ പോകുമ്പോഴോ, സിനിമ കാണുമ്പോഴോ ഓരോരുത്തർക്കും ഓരോ രീതിയിലാണ്‌ അത്‌ തോന്നുന്നത്‌.
താരാധിപത്യം എന്നത്‌ പുതു തലമുറയ്ക്ക്‌ വഴിമാറി കൊടുക്കുന്നില്ല എന്ന ആരോപണമായി മാറുകയാണല്ലോ?
ഇത്‌ എന്തായിത്‌? റോഡിൽക്കൂടി നമ്മൾ ഡ്രൈവ്‌ ചെയ്ത്‌ പോകുകയൊന്നുമല്ലല്ലോ വഴിമാറിക്കൊടുക്കാൻ (ചിരിച്ചുകൊണ്ട്‌ ശരിയല്ലേ എന്ന്‌ ഞങ്ങളോടായി ചോദ്യം). ഞാനും മമ്മൂട്ടിയു മൊക്കെ വന്ന സമയത്ത്‌ ഒരുപാട്‌ നല്ല ഡയറക്ടേഴ്സിന്റെ കൂടെ വർക്ക്‌ ചെയ്യാനും ഒരുപാട്‌ നല്ല കഥാപാത്രങ്ങൾ ചെയ്യാനും പറ്റി. ഒരു നടന്റെ ഏറ്റവും വലിയ ഭാഗ്യമാണ്‌ നല്ല റോളുകൾ കിട്ടുക എന്നത്‌. ഇപ്പോൾ അത്തരത്തിലുള്ള കഥാപാത്രങ്ങളും കഥയു മൊന്നും വരുന്നില്ല. പദ്മരാജൻ, ഐ.വി ശശി, ഭരതൻ, ശശികു മാർ സർ, തമ്പി കണ്ണന്താനം, അല്ലെങ്കിൽ അരവിന്ദൻ അങ്ങനെ ഒരുപാട്‌ ആളുകളുടെ സിനിമകൾ ചെയ്തിട്ടാണ്‌ ഞാൻ ഇവിടെ യെത്തിയത്‌. ഞാൻ അഭിനയിച്ചതിനേക്കാളും നല്ല ഒരു പടം ഉണ്ടാകാനാണ്‌ ഞാൻ പ്രാർത്ഥിക്കുന്നത്‌. ചിത്രം, കിലുക്കം, മണിച്ചിത്രത്താഴ്‌ ഇതൊക്കെ ഒരുപാട്‌ ഓടിയ സിനിമകളാണ്‌. ഒരു പ്രിയദർശനല്ലേ ഉള്ളൂ, വേറൊരു പ്രിയദർശൻ ഉണ്ടാകില്ലല്ലോ. അതിലും നല്ല ആൾക്കാരാണു വരേണ്ടത്‌. കിലുക്കം പോലൊരു സിനിമ ചെയ്തിട്ട്‌ കാര്യമില്ല, കിലുക്കത്തിനേക്കാൾ ബെറ്റർ ആയിട്ടുള്ള സിനിമകൾ വരണം. തീർച്ചയായും സിനിമയ്ക്ക്‌ ഒരു ആത്മാവുണ്ടാകണം. ധാരാളം പുതിയ ഡയറക്ടേഴ്സ്‌ വരണം. അങ്ങനെയാണ്‌ സിനിമയിൽ റെവലൂഷൻ ഉണ്ടാക്കേണ്ടത്‌. അല്ലാതെ പഴയ ആൾക്കാർ മാറികൊടുക്കണം എന്നല്ല പറയേണ്ടത്‌. പുതിയ ആൾക്കാർ പ്രൂവ്‌ ചെയ്യണം എന്നിട്ടവർ മുന്നോട്ട്‌ വരണം, അതാണ്‌ വേണ്ടത്‌.
മോഹൻലാൽ എന്ന നടനെ സ്നേഹിയ്ക്കുന്ന ആരാധനാപൂർവം നോക്കിക്കാണുന്ന പലരും ഫാൻസ്‌ അസ്സോസിയേഷന്റെ പല പ്രവർത്തനങ്ങളേയും വിമർശിക്കുന്നുണ്ട്‌. ഇതിനെക്കുറിച്ച്‌?
ആരാണ്‌ ഈ വിമർശിക്കുന്നവർ? അവർ വിമർശിച്ചോട്ടെ. നമ്മൾ ഒരു സിനിമ ഇഷ്ടപ്പെടാൻ പാടില്ലെന്നോ ഒരു നടനെ ഇഷ്ടപ്പെടാൻ പാടില്ലെന്നോ ഉണ്ടോ? നമ്മൾ ചെയ്യുന്ന സിനിമകൾ കണ്ട്‌ ഇഷ്ടപ്പെടുന്നവരാണ്‌ ഫാൻസ്‌. സിനിമ ഓടിക്കുന്നത്‌ അവരല്ലേ. അവരൊക്കെ ഒരുപാട്‌ നല്ല കാര്യങ്ങളും ചെയ്യുന്നുണ്ട്‌. വേറൊരാൾക്ക്‌ വെളിയിൽ നിന്ന്‌ ഇതിനെ വിമർശിക്കേണ്ട കാര്യമില്ലല്ലോ. ഞാനൊരു കാര്യം പറയാം, മുപ്പത്തിമൂന്നു വർഷമായി സിനിമയിൽ അഭിനയിക്കുന്ന ആളാണു ഞാൻ. ഇനിയെന്നെ നന്നാക്കുകയോ മോശമാക്കുകയോ ചെയ്യേണ്ട കാര്യമുണ്ടോ? ഞാൻ എന്റെ ജോലി ചെയ്തു പോകുക എന്നുള്ളതാണ്‌. അല്ലാതെ ഫാൻസ്‌ അസോസിയേഷൻ കൊള്ളില്ല എന്ന്‌ ഒരാൾ പറഞ്ഞാൽ ഞാൻ അതിന്റെ പിറകേ പോകേണ്ട കാര്യമില്ലല്ലോ. ശരിയല്ലെങ്കിൽ അത്‌ അവർ തന്നെ കറക്ട്‌ ചെയ്തോട്ടെ. ഞാൻ അതിൽ ഇടപെടുന്നില്ല. ഫാൻസ്‌ അസോസിയേഷനുകൾ ഒരിക്കലും ഞാൻ പറഞ്ഞിട്ട്‌ തുടങ്ങിയവയല്ല. എത്രയോ വർഷങ്ങളായി അവർ തനിച്ചു ചെയ്യുന്നതാണ്‌. ഒരുപാട്‌ നല്ല കാര്യങ്ങൾ അവർ ചെയ്യുമ്പോൾ എന്നെ വിളിച്ച്‌ പറയാറുണ്ട്‌. ഫാൻസ്‌ അസോസിയേഷനുകൾ ലോകത്ത്‌ എല്ലായിടത്തും ഉള്ളതല്ലേ.
